Աֆղանստանի հյուսիսում փրկարարները ձյան տակից 21 դիակ են հանել: Ձնահոսքը տեղի է ունեցել մարտի 22-ին Արաք բնակավայրում, իսկ մարտի 24-ին փրկարարները ձյան տակից հանել են զոհվածների սառած դիակները: Արաքի բնակիչներից մեկին, որը երեք օր գտնվել է ձնակույտի տակ մնացած տանը, հաջողվել է ողջ մնալ:
Սառած բնակչին տեղափոխել են հիվանդանոց, որտեղ նրան օգնություն են ցույց տվել: Փրկարարները շարունակում են աշխատել արտակարգ պատահարի վայրում` ակնկալելով գտնել ողջ մնացած այլ անձանց կամ զոհերի մարմիններ, հաղորդում է «ՌԻԱ Նովոստին»:
Հունվարի սկզբից Բադախշանում ձնահոսքիտակ ավելի քան 200 մարդ է զոհվել: Աֆղանական հիդրոմետի տվյալներով`ընթացիկ ձմեռը վերջին 15 տարում ամենացուրտն ու ձյունառատն էր:
