ՀՅԴ-ի նախընտրական ծրագիրն ունի ընդգծված սոցիալ-տնտեսական ուղղվածություն: Այս մասին, այսօր` մարտի 26-ին, մամուլի ասուլիսում հայտարարել է ՀՅԴ խմբակցության ղեկավար Վահան Հովհաննիսյանը:
Ըստ խորհրդարանականի` մայիսի 6-ին կայանալիք խորհրդարանական ընտրություններում կուսակցության ներկայացվող ծրագիրը կտարբերվի սոցիալական ուղղվածությամբ եւ սոցիալական պրիզմայի միջոցով հարցերի լուծմամբ:
Ինչպես նշել է պատգամավորը, այդ փաստաթղթերը արդյունք են փորձագետների մասնակցությամբ մի շարք սեմինարների եւ կոնֆերանսների: Ինչ վերաբերում է նախընտրական ծրագրին, Հովհաննիսյանը նշել է, որ «ընդհանուր առմամբ այն լավն է», եւ առաջարկել է ընտրողներին այդ մասին դատել ցուցակին ծանոթանալուց հետո:
Լուսանկարը` Սոնա Բարսեղյանի
