Համացանցային հսկա Google ընկերությունը շուտով շուկայում առաջատարի դիրքերը կզիջի նոր ընկերությունների: Այդ մասին Life Online-ի միջոցառման ժամանակ ունեցած ելույթում հայտարարել է Google փոխնախագահ Վինտ Սերֆը:
Ինչպես հաղորդում է «АиФ»-ը, վաղ թե ուշ Google-ն իր դիրքերը կզիջի նոր ընկերությունների, որոնք ավելի կատարյալ տեխնոլոգիաներ են ստեղծելու:
Սերֆը, ում հաճախ «ինտերնետի հայր» են անվանում, հիշեցրել է, որ ժամանակին համացանցային որոնման համակարգում առաջատարը Alta Vista-ն էր, որը զիջեց Yahoo-ին, վերջինս էլ, իր հերթին տանուլ տվեց Google-ի հետ պայքարում:
«Հիմա ոչինչ չի խանգարում որեւէ մեկին ավելի կատարյալ տեխնոլոգիա մշակել, քան մերն է, եւ ստեղծել ավելի հզոր, արդյունավետ եւ գործուն համակարգ: Եւ դա, իհարկե, մեզ վախեցնում է»,-ասել է Սերֆը: