Մեծ Բրիտանիան կկրկնապատկի սիրիական ընդդիմությանը հատկացվող օգնությունը: Այդ մասին հայտարարել է Մեծ Բրիտանիայի արտգործնախարար Ուիլիամ Հեյգը:
Նրա խոսքով, լրացուցիչ 500 հազար ֆունտ կհատկացվի Սիրիայի տարածքում եւ նրա սահմաններից դուրս գործող քաղաքացիական հասարակության կազմակերպություններին: Գումարը նախատեսված է ակտիվիստներին եւ լրագրողներին տեխնիկական օգնություն ընձեռելու համար, ինչպես նաեւ Բաշար Ասադի վարչակարգի հակառակորդ տարբեր խմբերի գործունեության համակարգմանը, հաղորդում է «Ազատություն» ռադիոկայանը:
