Թուրքիայի Քոնիա նահանգում մարտի 30-ի երեկոյան տեղի ունեցած ավտովթարից հետո զավեշտալի դեպք է տեղի ունեցել։
Թուրքական Hurriyet-ի փոխանցմամբ՝ երկաթով բարձված մի TIR բեռնատարը հետեւից հարվածել է էլեկտրալարեր տեղափոխող մեկ այլ բեռնատարի։ Երկաթ բարձած բեռնատարի վարորդը հարվածից ծանր վնասվածքներ է ստացել։ Նրան վարորդական խցիկից հանելու համար հարկավոր է եղել օգատգործել հատուկ տեխնիկա։
Ավտովթարից հետո զավեշտալի դեպք է տեղի ունեցել։ Դեպքի վայր մեկնած ժանդարմերիայի ծառայողները շատ զվարթ լուսանկարվել են վթարված բեռնատարի դիմաց, որի ներսում այդ պահին ստացած վնասվածքների ցավերից բղավում էր բեռնատարի վորորդը։