Azamara Quest զբոսանավում, որը անշարժացել էր շարժիչում բռնկված հրդեհի պատճառով, գործի են դրել պահեստային էներգետիկական կարգավորումը, եւ այն ինքնուրույն լողում է դեպի Մալազիայի ափեր: Այս մասին հաղորդել է Ֆիլիպինների ափային պաշտպանությունը: Նավին ուղեկցում է ֆիլիպինյան ռազմանավը:
Զբոսանավի օպերատոր ընկերության հաղորդմամբ` ուղեւորներին վտանգ չի սպառնում, հայտնում է «Ինտերֆաքսը»: Azamara Quest զբոսանավում 650 ուղեւոր կա:
Azamara Quest-ը պետք է հասնի Սանդական, որը գտնվում է Մալազիայի արեւելյան Սաբահ կղզում: Հետագա ճանապարհորդությունը կդադարեցվի:
Հիշեցնենք, որ հրդեհի հետեւանքով, որը վնասել էր շարժիչը, զբոսանավը Ֆիլիպինների ափերում` մայրաքաղաք Մանիլայից հարավ, անշարժացել էր: