Վանաձորում ապրիլի 1-ին, ժամը 14:00 –ի սահմաններում ինքնասպանության փորձ է կատարվել:
Ինչպես տեղեկացնում է Լոռիի մարզում NEWS.am-ի թղթակիցը, 25-30 տարեկան տղամարդը փորձել է սուրբ Մարիամ Աստվածածին եկեղեցու կամրջի մոտից ցած նետվել: Ականատեսներն անմիջապես զանգել են ոստիկանություն եւ մարզային փրկարարական վարչություն:
Դեպքի վայր են ժամանել փրկարարներն ու Ոստիկանության Վանաձորի բաժանմունքի աշխատակիցները` բաժանմունքի պետ Արա Կարապետյանի գլխավորությամբ: Ընդհանուր ջանքերով ողբերգությունը հաջողվել է կանխել:
Ներկայումս երիտասարդը գտնվում է Ոստիկանության Վանաձորի բաժանմունքում, ճշտվում են նրա ինքնությունն ու մտադրության դրդապատճառները:
Միջադեպի վերաբերյալ լրացուցիչ տեղեկություններ NEWS.am-ը կհաղորդի ավելի ուշ:
