Սաուդյան Արաբիան եւ Պարսից ծոցի մի շարք երկրներ բազմամիլոնանոց հիմնադրամ կստեղծեն` «Սիրիական ազատ բանակի» անդամների ֆինանսավորման համար:
Ինչպես հաղորդում է Associated Press-ը, համապատասխան որոշումն ընդունվել է ապրիլի 1 -ին Ստամբուլում կայացած «Սիրիայի բարեկամների» հանդիպմանը: Հիմնադրամից աշխատավարձ կտրվի սիրիական ընդդիմության ռազմական թեւի` «Սիրիական ազատ բանակի» գրոհայիններին: «Սիրիական ազատ բանակը» կազմված է հիմնակնում դասալիքներից, որոնց ղեկավարում է Սիրիայի բանակի նախկին գնդապետ Ռիյադ Ասադը:
Նշվում է նաեւ, որ Ստամբուլի հանդիպման մասնակիցները Սիրիական ազգային խորհուրդը համարել են որպես Սիրիայի ժողովրդի միակ լեգիտիմ ներկայացուցիչ: