Հայաստանի ոստիկանությունը ժամը 17:00-ի դրությամբ տարբեր բաժիններ բերման է ենթարկել հանրահավաքների 102 մասնակիցների։ Այդ մասին NEWS.am-ին հայտնեցին ոստիկանության լրատվության վարչությունից։
Նշենք, որ ժամը 11,30-ի դրությամբ բերման էր ենթարկվել 11 քաղաքացի, իսկ 13:30-ի դրությամբ՝ 62 քաղաքացի:
Նշենք, որ քիչ առաջ լարված իրավիճակ էր մայրաքաղաքի Նոր Նորքի թաղամասում: Այստեղ ոստիկանությունն ուժի կիրառմամբ ցուցարարների է բերման ենթարկել:
Հիշեցնենք, որ վաղ առավոտից ցուցարարները մի քանի ուղղություններով երթ են անում մայրաքաղաքի տարբեր թաղամասերում: Նիկոլ Փաշինյանի գլխավորությամբ այժմ ցուցարարները պատգամավորի հետ շրջում են Երեւանի կենտրոնում եւ կոչ անում քաղաքացիներին միանալ իրենց: