Ազգային Ժողովի պատգամավոր, ՕԵկ-ական Հովհաննես Մարգարյանը թերթի հետ զրույցում ասել է, թե «մեր ներքաղաքական դաշտում կան ուժեր, որոնք բացահայտորեն նախապատրաստվում են ընտրությունները վերածել քաղաքացիական անհնազանդության, ընդվզման ու բախումների, ապստամբության»:
«Նման քաղաքական գործելակերպը ոչ միայն ոչ մի առումով չի կարող արդարացված լինել, այլեւ չի բխում մեր ժողովրդի ու պետության շահերից: Ուստի առողջ քաղաքական ուժերն ամեն ինչ պետք է անեն, որ ընտրությունները չուղեկցվեն ոչ ընտրական, ոչ մրցակցային դրսեւորումներով:
Առկա հիմնախնդիրների դեմ ոչ թե պետք է պայքարել, այլ դրանք պետք է համախմբված, բազմակողմանիորեն, մանրակրկիտ քննարկել ու իրատեսական, արդյունավետ լուծումներ գտնել»,- նշել է Մարգարյանը:
