նախընտրելի դարձնելԳազային ըմպելիքներն ու հյութերը դիաբետ են առաջացնում մարդկության գեղեցիկ կեսի ներկայացուցիչների մոտ: Նման եզրակացության է հանգել Հարվարդի հանրային առողջության դպրոցի գիտնականների խումբը` Ֆրենք Հուի ղեկավարությամբ:
Ինչպես հաղորդում է MEDdaily.ru-ն, վկայակոչելով Reuters-ը, կնոջ համար լավագույն տարբերակը ջուրը, թեյն ու սուրճն են, որոնք նվազեցնում են դիաբետի զարգացման ռիսկը: 12-ամյա հետազոտության հեղինակները, որոնք 80 հազար մարդ են հետազոտել, հայտնել են, որ քաղցր հյութերը ջրով խառնելն անօգուտ է:
Հուն 12 տարվա ընթացքում հետազոտել է 82 հազար 902 կնոջ, որոնցից մոտ 2700-ի մոտ դիաբետ է զարգացել: Պարզվել է, որ խմված ջրի ծավալը չի ազդել հիվանդության զարգացման վրա, իսկ սերը դեպի քաղցր ըմպելիքները ռիսկն ավելացնում է 10 տոկոսով: Մասնագետների խոսքով, եթե կինը հյութը փոխարինի ջրով, դիաբետի ռիսկը կնվազի 7-8 տոկոսով:
