նախընտրելի դարձնելՄադոննայի համարյա ցանկացած շոու ինչ-որ դեպքով է ուղեկցվում, եւ բացառություն չի եղել նաեւ Կիեւի ելույթը:
Տեսագրությունը, որտեղ դերասանուհին երկրպագուներից ընդունում է ռուսական դրոշը եւ այն անվանում ուկրաինական, նկարահանված է Կիեւի համերգի եզրափակիչ փորձի ժամանակ:
«Սա ի՞նչ է: Ուկրաինական դրո՞շը» - հարցնում է նա հանդիսատեսին: Ամբոխն սկսում է զայրացած սուլել Մադոննային եւ երգչուհուն է մեկնում արդեն ուկրաինական պետական դրոշը: «Իսկ սա ո՞ւմ դրոշն է: Նորից ուկրաինակա՞ն է, այսինքն դուք երկու դրո՞շ ունեք» - զարմանում է երգչուհին, հայտնում է «Նովիե իզվեստիան»:
Վերջիվերջո մեն ինչ պարզելով` երգչուհին ռուսական դրոշը վերադարձնում է հանդիսատեսին, վերցնում ուկրաինականը եւ սկսում նրանով նկարահանվել իր երկրպագուների համար:
Մադոննան նաեւ հարցրել է` ինչպես ուկրաիներեն թարգմանել «thank you». «Դա կլինի "սպասի՞բո", ինչպես ռուսների մո՞տ»: Ամբոխն արձագանքել է «դյակույու»: Մադոննան կրկնել է այն մի քանի անգամ եւ խոստացել է հիշել այդ բառը:
