նախընտրելի դարձնելՇանհայի առեւտրի կենտրոնի առաջին հարկում պոկվել է 33 տոննանոց ակվարիումը, որտեղ լողում էին շնաձկներ, կրիաներ եւ տարբեր տեսակի ձկներ: Ջրի հոսանքը, ապակու 25 սմ-անոց բեկորները եւ ծովային կենդանիները թափվել են ոչինչ չկասկածող գնորդների վրա: 15 մարդ վնասվածքներ են ստացել:
Ըստ ականատեսներից մեկի` ձայնն այնքան ուժգին է եղել, կածես թե ռումբ է պայթել: Ըստ լրատվամիջոցների տվյալների` մեկ տղամարդ կոտրել է ոտքը, մյուսները թեթեւակի վնասվածքներ են ստացել:
Բոլոր տուժածներին բժշկական օգնություն ցույց տալուց հետո անմիջապես հիվանդանոցից բաց են թողել, հայտնում է The China Daily-ն:
Ակվարիումի կենդանիների շարքում էլ են զոհեր եղել. զոհվել են երեք շնաձուկ, մի քանի կրիա եւ մեծ քանակությամբ ձկներ: Վարկած կա, որ ակվարիումը պայթել է սառչելու հետեւանքով:
Թեպետ շնաձկներով ակվարիումը Orient Shopping Center-ի տեսարժան վայրն էր, ղեկավարությունը հայտարարել է, որ այն չի վերականգնելու:
