նախընտրելի դարձնելԱյսօր` դեկտեմբերի 28-ին, Կինոյի միջազգային օրն է, այդ զարմանահրաշ արվեստի աշխատակիցների եւ սիրահարների տոնն ամբողջ աշխարհում:
1895թ. դեկտեմբերի 28-ին Փարիզի Կապուցինոկ (այլ ոչ թե Կապուցինների, ինչպես շատերն են ա) ճեմուղու «Գրանդ կաֆեում» տեղի է ունեցել Լյումեր եղբայրների սինեմատոգրաֆիայի առաջին ցուցադրությունը: Հենց այդ ամսաթիվն էլ դարձել է Կինոյի միջազգային տոնի օրը, հայտնում է Calend-ը: Պետք է նշել, որ դա նաեւ աշխարհում առաջին վճարովի կինոդիտումն է եղել:
Այդ օրը ներկայացվել է աշխարհում առաջին կարճամետրաժ ֆիլմը` «Գնացքի ժամանումը Լա Սիոտա կայարան»: Ֆիլմի ցուցադրությունը հանդիսատեսների շրջանում իսկական խուճապ է առաջացրել. նրանք փախել են դահլիճից՝ վախենալով, որ էկրանից մոտեցող գնացքը կճզմի իրենց…
Այդ օրվանից կինեմատոգրաֆիան զարգացման մեծ ուղի է անցել եւ բազմաթիվ փոփոխությունների ենթարկվել. Համր կինոյից մինչեւ հնչյունային, սեւ-սպիտակից մինչեւ գունավոր, ժապավենայինից՝ թվային: Ֆիլմերը տարբեր ժանրի են լինում` գիտական, փաստագրական, հրապարակախոսական, գեղարվեստական: Իսկ ամբողջ աշխարհում տեղի են ունենում բազմաթիվ կինոփառատոներ` «Օսկար», «Ոսկե արմավենին» Կաննի, Վենետիկի միջազգային կինոփառատոնը, «Բեռլինալեն», Լյումեր եղբայրների անվան կինոփառատոնը եւ այլն: Աշխարհի տարբեր երկրներում նշում են նաեւ ազգային կինեմատոգրաֆիայի տոները:
