նախընտրելի դարձնելԲրիտանացի բժիշկ-թոքաբան Տապաս Մուքերջին (Tapas Mukherjee) ձայնագրել է 90-ականների «Նախաճաշ Տիֆանիի մոտ» հիթի նոր տարբերակը եւ այն ավաննել «Նախաճաշ Գլենֆիլդում»: Դա այն հիվանդանոցի անվանումն է, որտեղ ինքն աշխատում է:
Բժիշկը երգի բառերը գրել է գործընկերների հետ` չկտրվելով աշխատանքից: Երգն ամբողջությամբ նվիրված է ասթմայի բուժմանը:
Բժիշկները կատարումը փորձել են ընդմիջման ժամանակ, իսկ դրանից հետո ձայնագրել տեսահոլովակը:
Տեսահոլովակն արդեն հավաքել է 55 000 դիտում:
Ամենահետաքրքիրն այն է, որ արդյունքը գերազանցել է թոքաբանի ամենահանդուգն սպասումները: Պարզվել է, որ համացանցում տեսահոլովակը տեղադրելուց մեկ ամիս անց, տեսահոլովակում նշված բուժման առաջարկություններին սկսել են հետեւել բազմաթիվ հիվանդներ:
Բժիշկը չի մտածում կանգ առնել, նա ցանկանում է հետագայում էլ օգնել մարդկությանը` պայքարել առողջական խնդիրների դեմ, եւ արդեն աշխատում է երկրորդ տեսահոլովակի վրա: Երգը նվիրվելու է ինհալատորի ճիշտ կիրառմանը, հայտնում է Life News-ը:
