նախընտրելի դարձնելՎերին Շենգավիթ 2-րդ փողոցի բնակիչ Հասմիկ Մարտիրոսյանը արդեն երկար ժամանակ դիմում է տարբեր գերատեսչություններ դեպի իր սեփական տուն հոսող անձրևաջրերի հոսքը դադարեցնելու խնդրանքով: Տիկին Հասմիկի խոսքով՝ այս խնդիրն առաջացել է հարևանությամբ գտնվող բազմաբնակարան շենքի դիտահորում կատարված աշխատանքներից հետո, ինչի արդյունքում հեղեղատար համակարգը ուղղակի դադարել է գործել, եւ այժմ հարեւան շենքի անրձեւաջրերը հոսում են դեպի ցածրադիր սեփական տները։
Քաղաքապետարանի և թաղապետարանի աշխատակիցները մի քանի անգամ եկել են բնակիչների ահազանգով, բայց ոչինչ չի փոխվել։
Հատկապես առատ տեղումներից հետո տիկին Հասմիկի տուն չես կարող մտնել առանց ոտքերդ թրջելու. տան առջեւ հսկայական ջրափոս է գոյանում, ջուրը լցվում է տուն։
«Կարան մարդիկ Սեւան չգնան, մի հատ սեղան դրվի, գան նստեն հանգստանան գնան»,- NEWS.am-ին վրդովված ասաց տիկին Հասմիկը։
