նախընտրելի դարձնելՇանթ Հարությունյանին եւ նրա ընկերներին այսօր՝ հունիսի 12-ին, դատարանի դահլիճ բերեցին ծափահարությունների ներքո։ Երբ դատարանի դահլիճ մտավ դատավոր Մնացական Մարտիրոսյանը, ամբաստանյալներին սատարելու եկած Գայանե Առուստամյանը բացականչեց. «Ինչ ծանոթ դեմք է»՝ նկատի ունենալով որ, հենց այդ դատավորն է քննել 7-ի գործը (ֆոտոռեպորտաժ)։
Նշենք, որ դատարանի դահլիճում է նաեւ Րաֆֆի Հովհաննիսյանը։
«Եկել եմ այստեղ, որովհետեւ ես Հայաստանի քաղաքացի եմ եւ ցանկանում պաշտպանել Շանթ Հարությունյանի ազատության իրավունքը։ Նա եւս քաղաքացի է եւ արժանի է ազատության, իր ազատությունը մեր երկրի ազատագրումն է»,- ասաց նա NEWS.am-ին։
Նրա խոսքով՝ մեր երկրին պետք են Շանթ Հարությունյանի նման խենթեր։
«Դուք էլ ե՞ք նրա նման խենթ»,- լրագրողի հարցին Րաֆֆի Հովհաննիսյանը պատասխանեց. «Ես ուզում եմ նրանից ավելի խենթ լինել»։
Լուսանկարը՝ Արսեն Սարգսյանի/NEWS.am
