նախընտրելի դարձնելԱյսօր ՄԱԿ-ի հայաստանյան գրասենյակում ՄԱԿ-ի Փախստականների հարցերով հանձնակատարի գրասենյակը կազմակերպել էր քննարկում, որին մասնակցում էին հասարակական կազմակերպությունների եւ պետական գերատեսչությունների ներկայացուցիչներ: Քննարկմանը ներկա «Սինջար եզդիների ազգային միավորում» հասարակական կազմակերպության ղեկավար Բորիս Մուրազին խոսեց Իրաքում տիրող իրավիճակի մասին, ինչպես նաեւ անդրադարձավ եզդի փախստականների` Հայաստանում ապաստան գտնելու հանգամանքին: Բորիս Մուրազին իր խոսքում նկատեց, որ 2014 թվականին եզդիների նկատմամբ իրականացված եւ այսօր էլ շարունակվող ցեղասպանության հետեւանքով փախստական է դարձել ավելի քան 400 հազար եզդի:
«Ես կարծում եմ, որ այսօր Հայաստանը իր հնարավորությունների սահմաններում կարող է ընդունել եզդի փախստականների: Այս հարցում կառավարության հետ համատեղ պետք է աշխատեն նաեւ մեր համայնքն ու ՄԱԿ-ի փախստականների հարցերով գերագույն հանձնակատարի գրասենյակը: Մենք կարծում ենք, որ գոնե մի քանի ընտանիքներ կարող են ապաստան գտնել Հայաստանում, եւ կառավարության համար դա մեծ բեռ չի լինի, քանի որ համայնքը կարող է նրանց ապահովել կացարաններով», - ասաց Բորիս Մուրազին:
