նախընտրելի դարձնելԱպրիլի 14-ին Բուդապեշտում բողոքի ակցիաներ են անցկացնում տասնյակ հազարավոր մարդիկ: Նրանք պահանջում են քվեների վերահաշվարկ եւ էլեկտրոնային համակարգի փոփոխում, փոխանցում է DW-ն:
AFP-ի տեղեկություններով՝ ակցիային մասնակցում է մոտ 100 հազար մարդ, այն կազմակերպել են քաղաքացիական ակտիվիստները:
Բողոքողները վրդովված են, որ Հունգարիայի աջպահպանողական վարչապետ Վիկտոր Օրբանի կուսակցությունը ստացել է ձայների մոտ 50 տոկոսը, սակայն Քիստոնեա-դեմոկլրատական ժողովրդական կուսակցության հետ կոալիցիայում այն ստանում է Պետական ժողովի 199 մանդատից 133-ը:
Anti-Orbán protestors moving toward Parliament square in Budapest, many tens of thousands, can't see either start or finish now pic.twitter.com/cip6mlQF0J
— Peter Murphy (@MurphyPeterN) 14 апреля 2018 г.
Հունգարիայում խորհրդարանական ընտրություններն անցկացվել են ապրիլի 8-ին, Օրբանը չորրորդ անգամ է ղեկավարում Հունգարիայի կառավարությունը: Քաղաքական գործիչն իր ընտրարշավը կառուցել էր ազգայնական հռետորաբանության վրա՝ հանդես գալով որպես հին Եվրոպայի հուդայական-քրիստոնեական մշակույթի պաշտպան եւ ընտրողներին վախեցնելով իսլամի տարածման սարսափներով:
Ընդդիմությունն Օրբանին մեղադրում է այլատյացության, ռասիզմի, քաղաքացիական հասարակության ճնշման, ընտրական համակարգի մանիպուլյացիաների եւ երկրի դատական իշխանության ու հունգարական լրատվամիջոցների վրա վերահսկողության հաստատման մեջ:
