2017 թվականի ընթացքում Հայաստանում կրոնի ազատության վերաբերյալ զեկույցն ընդհանուր առմամբ բավականին դրական է՝ կրոնական ազատության տեսանկյունից: Այս մասին լրագրողների հետ զրույցում հայտարարել է Հայաստանում ԱՄՆ դեսպան Ռիչարդ Միլսը:

«Բոլոր երկրներն ու հասարակություններն իրենց խնդիրներն ունեն: Միակ բանը, որ մեզ հուզում է, այն է, որ Հայ Առաքելական եկեղեցու պատմության եւ Հայ Առաքելական եկեղեցու կարեւոր դերի  դասավանդումն այնպես տարվի, որպեսզի յուրաքանչյուր աշակերտ, որը կարող է Հայ Առաքելական եկեղեցու հետեւորդ չլինել, իրեն ոչ պակաս հայ զգա, քան մյուսները»,- հայտարարել է Միլսը:

Նա հավելել է, որ իրենք բարձրացրել են հարցը Հայաստանի կառավարության եւ Հայ առաքելական եկեղեցու ներկայացուցիչների հետ հանդիպումների ժամանակ, ինչպես նաեւ քննարկել են այն կրթության նախարարի հետ:

Պետդեպարտամենտ. Հայաստանում կրոնական փոքրամասնությունները շարունակում են իրենց հավատքն ազատորեն քարոզել