Շախմատի կանանց Գրան Պրի մրցաշարի ավարտին մնաց երկու տուր: Այսօր, մարտի 3-ին կայացավ 9-րդ տուրը: Նախորդ տուրում կրած պարտություններից հետո հայ գրոսմայստերները դարձյալ հաղթանակ տարան: Միանձնյա առաջատար Էլինա Դանիելյանը սպիտակներով 51-րդ քայլում պարտության մատնեց Մարտա Ֆյերոյին: Լիլիթ Մկրտչյանը դարձյալ սպիտակներով 50-րդ քայլում հաղթեց Քաթարը ներկայացնող Ցզյու Չենին եւ վաստակեց 4 միավոր: Դանիելյանը 7,5 միավորով առաջատարն է: