նախընտրելի դարձնելՄայրաքաղաքի Սարյան փողոցում անցկացվելիք Գինու փառատոնի մասնակիցների անվտանգությունն ապահովելու նպատակով, մայիսի 3-ին, ժամը 12.00-ից մինչեւ մայիսի 4-ի ժամը 24-ը երկկողմանի արգելվելու է երթեւեկությունը Սարյան եւ Մոսկովյան փողոցներում՝ Սարյան-Պուշկինի փողոցների խաչմերուկից մինչեւ Մոսկովյան-Սպենդիարյան փողոցների խաչմերուկ, Թումանյան փողոցում՝ Թումանյան-Կողբացու փողոցների խաչմերուկից դեպի Թումանյան-Մոսկովյան-Սարյան փողոցների խաչմերուկ: Այս մասին NEWS.am-ին հայտնում են ՀՀ ոստիկանության մամուլի ծառայությունից։
Բացի այդ, մայիսի 3-ին ժամը 08.00-ից Սարյան եւ Մոսկովյան փողոցներում՝ Սարյան-Պուշկինի փողոցների խաչմերուկից մինչեւ Մոսկովյան-Սպենդիարյան փողոցների խաչմերուկ արգելվելու է տրանսպորտային միջոցների կայանումը:
