նախընտրելի դարձնելՄենք ասել ենք, որ քննարկում ենք Երեւանի ավագանիում մեր մասնակցության հարցի վերանայումը, եթե որոշենք, որ չենք մասնակցում Խաժակյանի դեմքով, ուրեմն չենք մասնակցում, եթե որոշենք, որ մասնակցում ենք, կհայտարարենք, թե ինչպես: Այս մասին, այսօր՝ դեպտեմբերի 21-ին, «Լուսավոր Հայաստանում» կուսակցության 4-ամյակին նվիրված միջոցառման ժամանակ լրագրողների հետ զրույցում նշեց ԼՀԿ ղեկավար Էդմոն Մարուքյանը՝ անդրադառնալով Երեւանի ավագանու «Լույս» խմբակցության ղեկավար Դավիթ Խաժակյանի՝ մանդատից հրաժարվելու հավանականությանը:
Դիտարկմանը, որ Դավիթ Խաժակյանը նշել է, որ չի ցանկանում լքել Երեւանի ավագանին, Մարուքյանն արձագանքեց. «Խաժակյանն է որոշում լքի, թե չլքի, ինքն է ասել, որ խնդիր ունի: Ինքն ասում է՝ խնդիրը լուծվի, ես կմնամ: Դուք ասում եք՝ Խաժակյանը չի ուզում, կարծես թե ես ասել եմ՝ դուրս արի, ինքն էլ դիմադրում է: Խաժակյանը մեզ հետ պրոբլեմ չունի:
Մի երկու տխմար վերլուծություն եմ տեսել, որ իբր թե իշխանությունը մեզ ճնշում է, որ մենք Խաժակյանին հետ կանչենք, մարդիկ հա´մ մեզ չեն ճանաչում, հա´մ իշխանությանը չեն ճանաչում, եթե նման բան են գրում, մտածում: Երևի մտածում են, թե իրենց ժամանակներն է, որ իրենց զանգում էին, որ իրենք բան անեն: Հիմա ո´չ զանգողները կան, ո´չ էլ այդ անողները կան: Ոչ իշխանությունն է զանգող, ոչ էլ մենք ենք անող, եթե զանգեն, հետեւաբար ես ուղղակի ապշած եմ այդ արձագանքից: Էդ ասողը հա´մ Նիկոլին չի ճանաչում, հա´մ ինձ»,-ասաց նա:
