Ապրիլի 30-ին պարեկային ծառայության Երևանի գնդի 2-րդ գումարտակի 3-րդ վաշտի ոստիկանները մայրաքաղաքի Հովսեփյան փողոցում հայտնաբերել և ոստիկանության Կենտրոնական բաժին բերման են ենթարկել Արամուս գյուղի 38-ամյա մի բնակչի։

Ոստիկանությունից NEWS.am-ին հայտնում են, որ նրա խուզարկությամբ հայտնաբերվել է սփայս թմրամիջոցի նմանվող զանգված:

Տղամարդը հայտնել է, որ հայտնաբերվածն իրենն է՝ իր օգտագործման համար:

Հարուցվել է քրեական գործ։

Նշանակվել է փորձաքննություն:

Բերման ենթարկվածը ձերբակալվել է:

Նախաքննությունը շարունակվում է։