Նախընտրելի
Երկրի վրա յուրաքանչյուր մարդ օրական ունի նույն 24 ժամը, սակայն այն, թե ինչպես են նրանք այդ ժամերը բաժանում աշխատանքի, քնի, սովորելու և խաղալու միջեւ, շատ տարբեր է, գրում է Scientific American-ը:
Գիտնականները վերջերս հավաքել են հասանելի տվյալներ այն մասին, թե ինչպես են մարդիկ ամբողջ աշխարհում հատկացնում իրենց ժամանակը և օգտագործում այն՝ գծագրելու համար միջին համաշխարհային «մարդկային օրը»: Նրանք պարզել են, որ մենք մեր ժամանակի մեկ երրորդից ավելին անցկացնում ենք անկողնում, իսկ մնացած ժամանակը բաժանված է երեք կատեգորիայի։ Գիտնականները փորձել են պարզել, թե արդյոք ամենօրյա գրաֆիկում առաջադրանքների բաշխումն ազդում է հենց մարդկանց վրա։
Այնպիսի գործունեությունը, ինչպիսին է հողագործությունը, շատ ավելի շատ ժամանակ էր պահանջում ավելի աղքատ երկրներում, քան ավելի հարուստ երկրներում, մինչդեռ մյուս գործունեությունը, օրինակ՝ մի վայրից մյուսը փոխադրումը, օրական գրեթե նույնքան ժամանակ էր պահանջում:
Ի վերջո, ուսումնասիրությունը ցույց է տվել, որ համեմատաբար քիչ ժամանակ՝ միջինը մոտ հինգ րոպե, մարդը ծախսում է այնպիսի գործողությունների վրա, որոնք ուղղակիորեն փոխում են շրջակա միջավայրը և ազդում կլիմայի փոփոխության վրա: Այս գործունեության մեջ ներառվել են էներգիայի արդյունահանումը, թափոնների հեռացումը, ոչ գյուղատնտեսական բույսերի տնկումը։
«Մենք պետք է հեռանանք հանածո վառելիքներից և կառուցենք ավելի շատ վերականգնվող էներգիայի աղբյուրներ», - ասում է հետազոտության համահեղինակ Էրիկ Գալբրեյթը ՄակԳիլ համալսարանից:
