ՆախընտրելիԱվտոմեքենան իբրև թե արգելված վայրում կայանելու պատրվակով մոտ 10 պարեկային ծառայողներ դաժանաբար ծեծի են ենթարկել եղբորս և տարբեր կոտրվածքներով տեղափոխել ոստիկանության բաժանմունք: Այս մասին իր ֆեյսբուքյան լայվում ասել է արցախցի փաստաբան Ռոման Երիցյանը:
«Հարազատ եղբորս՝ Արամ Երիցյանին, ոստիկանները, ավելի ճիշտ պարեկները ավտոմեքենան ոչ թույլատրելի վայրում կայանելու համար մոտեցել են եւ արցունքաբեր գազ են փչել երեսին, ահավոր ծեծի են ենթարկել, ձեռանշղթաներ են հագցրել եւ տեղափոխել են ոստիկանության Արաբկիրի բաժանմունք: Հիմա իր ձեռքը կոտրած, թաթի մատները կոտրատած, աչքերը ընդհանրապես չի տեսնում, գլուխը ուռած վիճակում հիմա ինքը գտնվում է ոստիկանության Արաբկիրի բաժանմունքում, հիմա նրան բուժօգնություն են ցուցաբերում: Մինչեւ իմ մոտենալն էլ մոտ կես ժամ նրա հետ խոսակցություն էին տանում, որ կատարվածի մասին ինձ լրիվ չտեղեկացնի»,-ասաց նա:
