Մի քանի միջնորդություններ ներկայացվեցին հենց ՍԴ նիստի սկզբում, այդ թվում կասեցնել գործի վարույթը, քանի որ վարչական դատավարության կարգով ԿԸՀ 258 Ա որոշումը, որը անկյունաքարային է այս գործով վիճարկվող որոշման համար։ Այս մասին լրագրողների հետ զրույցում ասաց ՍԴ–ում «Միասնության թեւեր»–ի ներկայացուցիչ Լիպարիտ Դրմեյանը՝ նշելով որ դատարանը այդ միջնորդությանը առանձին կանդրադառնա գործի քննության ընթացքում։
«Այսօր դիմում ներկայացրած բոլոր քաղաքական ուժերը ըստ էության ներկայացրեցին իրենց բացատրությունները եւ մեծ հաշվով բոլորի դիրքորոշումը հանգում էր նրան, որ թե նախընտրական շրջանում, թե ընտրությունների օրը տեղի են ունեցել այնպիսի խախտումներ, որոնք կասկածի տակ են դնում ընտրողների ազատ կամարտահայտումը եւ բացի այդ ընտրությունները չեն անցել հավասար սկզբունքով»,– նշեց նա։