Հայաստանի վարչապետ Նիկոլ Փաշինյանը պարզաբանել է, թե ինչու է ՀԿԵ-ի վաճառքի հարցը հրատապ, բայց ոչ այնքան։

Օգոստոսի 27-ին կայացած ճեպազրույցում վարչապետին հարցրել են, թե ինչու, եթե կա ՀԿԵ-ն 400 մլն դոլարով գնելու առաջարկ, և այդ գումարը գերազանցում է ՌԴ-ի հետ համաձայնագրի վաղաժամկետ խզման համար ենթադրվող տուգանքի չափը, Երևանը չի գնում գործարքին։

Ի պատասխան՝ Փաշինյանը խոսել է Ախուրյան-Երասխ հատվածի վերականգնման և ակտիվ քննարկումների մասին։ Նրա խոսքով՝ նշված թիվը հնչեցվել է բանավոր, և ընդհանուր առմամբ, քանի որ Գյումրի-Արարատ ճանապարհի վերականգնման համար ժամանակ է պետք, վաճառքի հարցը հրատապ է, բայց ոչ անհետաձգելի։

Պատասխանելով «Թրամփի ուղի» նախագծում երրորդ երկրների, մասնավորապես՝ Ղազախստանի, մասնակցության մասին հարցին՝ Փաշինյանը հիշեցրել է, որ նախագծին մասնակցությունը հստակ սահմանափակված է և ենթադրում է, որ դա հնարավոր է միայն ԱՄՆ-ի և ՀՀ-ի համաձայնության դեպքում։ «Երրորդ երկրները հետաքրքրություն են ցուցաբերում։ Մենք դա ողջունում ենք, բայց պետք է քննարկել առարկայական ձևով։ Ներդրումային ծավալը մեծ է, բայց ոչ անսահման։ Պետք է հասկանալ, թե ով ինչ ներդրումային ծրագիր է առաջարկում և ընտրել լավագույնը», - հայտարարել է Փաշինյանը։