նախընտրելի դարձնելՀայաստանի սահմանն հատած ադրբեջանցի զինծառայողին հանձնելու վերաբերյալ քննարկումներ այս պահին, բնականաբար, չեն կարող լինել։ Ազգային ժողովում ավանդական ճեպազրույցների ժամանակ հոկտեմբերի 8-ին այս մասին հայտարարեց իշխող «Քաղաքացիական պայմանագիր» խմբակցության պատգամավոր Արմեն Խաչատրյանը։
«Այս պահին նախաձեռնված է քրեական վարույթ։ Պետական սահմանը խախտած ադրբեջանցու գործողություններին պետք է պատշաճ իրավական գնահատական տրվի։ Դրանից հետո քրեական գործը համապատասխան եզրակացությամբ կուղարկվի դատարան․ դատարանն էլ, ըստ ամենայնի, մեղադրական վճիռ կկայացնի, և նա կսկսի իր պատիժը կրել Հայաստանի Հանրապետության օրենսդրության շրջանակում։ Միայն այդ ամենից հետո, և այո՛, ես դա չեմ բացառում, քանի որ փորձը ցույց է տվել, որ նման դեպքեր քիչ չեն եղել, ամենայն հավանականությամբ նրան փոխանակելու ենք Ադրբեջանում գտնվող մեր գերեվարված հայրենակիցների հետ», — նշեց պատգամավորը։
Միևնույն ժամանակ, նրա խոսքով, դրա մասին խոսելը դեռ վաղ է, քանի որ նման գործընթաց դեռ չկա։ «Այժմ ամեն ինչ ընթանում է բացառապես քրեադատավարական ընթացակարգերի շրջանակում», — եզրափակեց Խաչատրյանը։
