նախընտրելի դարձնել«Շիրակ կենտրոնը» զարհուրելի մի դեպքի մասին է պատմում:
«Մենք Գյումրիում տիրող զարհուրելի ու ահագնացող չափերի հասնող աղքատության ենք ականատես լինում ամեն օր, երբ օգնություն բաժանելու եւ տեսանյութեր պատրաստելու նպատակով շրջագայում ենք քաղաքի ծայրամասային տնակային ավաններում ու թաղամասերում: Ավելին, աղքատությունից զատ ընտանեկան դժբախտությունների պատմություններ ենք լսում, որոնցից չհուզվելու համար մարդ պարզապես պետք է քար սիրտ ունենա:
Այսօր ներկայացվող մեր հերթական տեսանյութը ծայրահեղ աղքատության մեջ հայտնված եւ կոմունալ բոլոր միջոցներից, անգամ ջրից զուրկ խարխուլ մի խրճիթում իրենց չորսամյա թոռան հետ ապրող տարեց ամուսինների մասին է:
Երկուս ու կես տարի է, ինչ նրանց աղջիկը գտնվում է կալանավայրում, եւ քանի որ վերջինս միայնակ մայր է եղել, նրա երեխային` չորսամյա Ալենին պահում են տատն ու պապը: Փոքրիկ Ալենի մոր դատապարտվելուց հետո անհայտ մարդիկ պապիկին փորձել են համոզել` վաճառել երեխային:
Առավել մանրամասն` «Շիրակ կենտրոնի» պատրաստած տեսանյութում»:
