նախընտրելի դարձնելՍվերդլովի մարզում երկնաքար է ընկել: Մարզի արտակարգ ծառայություններից հայտնել են, որ նախապես որպես երկնաքար սահմանված մարմնի անկում են գրանցել: Հնարավոր է, մթնոլորտի վերին շերտերով անցնելիս այն մի քանի մասի է բաժանվել:
Իրավապահ մարմինները հաղորդումներ են ստացել Սվեդլովի եւ Չելյաբինսկի մարզերի բնակիչներից, որոնք գանգատվել են, որ երկնքից վառվող օբյեկտներ են թափվում, հայտնում է «Ինտերֆաքսը»:
Ըստ տարբեր լրատվամիջոցների` Չելյաբինսկում խուճապ էր սկսվել, քանի որ բնակիչները ընկնող օբյեկտը վթարված ինքնաթիռ էին կարծել: Բնակիչները տեսել էին բռնկումը, որից հետո պայթյունի ալիքը կոտրել էր շենքերի ապակիները: Քաղաքում կորել էր բջջային կապը, հայտնում է «Ռոսբալտը»: Բռնկումը տեսել էին նաեւ Տյումենի եւ Եկատերինբուրգի բնակիչները:
«Ինտերֆաքսին» հայտնել են, որ Ուրալում ոչ մի օդանավ վթարի չի ենթարկվել:
