ՆախընտրելիՄոսկվայի մարզի Սոլնեչնագորսկ շրջանում հունիսի 9-ին վթարի է ենթարկվել «Իկար» ԱԻ-10 թեթեւշարժիչային օդանավը: Ավիավթարը տեղի է ունեցել ուղեւորի մեղքով. նրա ոտքը մնացել է ոտնակների արանքում: Մասնագետները տվյալ վարկածն առաջ են քաշել օդանավի բեկորների տակից մարմինները դուրս բերելուց հետո:
Օդաչուն իսկական աս է եղել: Փորձագետները կարծում են, որ հնարավոր է, օդանավը վթարի է ենթարկվել ուժեղ քամու պատճառով, սակայն Սերգեյ Վասիլիեւը, հավանաբար, այն չի կարողացել կառավարել հենց այն պատճառով, որ ուղեւորի ոտքը մնացել էր ոտնակների արանքում, հայտնում է Life News-ը:
Ըստ ականատեսների` բարձրանալիս օդանավը հանկարծ սկսել է արագորեն գահավիժել: Գետնին բախվելու հետեւանքով օդաչուն եւ ուղեւորն իսկույն մահացել են:
Պարզվել է, որ ղեկի մոտ է եղել 43-ամյա փորձառու օդաչու Սերգեյ Վասիլիեւը, որը ռազմաօդային ուժերի պաշտոնաթող փոխգնդապետ էր, «Ստրիժի» խմբի հրամանատարի նախկին տեղակալը: Հաստատվել է նաեւ երկրորդ զոհի ինքնությունը` 48-ամյա Վալերի Բուգաեւ, որը ժամանակին նույնպես օդաչու է եղել:
Թեթեւշարժիչային օդանավերի հաճախադեպ վթարների պատճառով Ռոստրուդի Դաշնային ծառայությունը որոշել է ստուգել Ռուսաստանի այն ավիաընկերությունները, որոնք ունեն նման օդանավեր, գրում է utro.ru-ն:
