նախընտրելի դարձնել41-բրիտանացի զբոսաշրջիկ Պիտեր Մեյնը հրաշքով ողջ է մնացել Ալիկանտե նահանգի Բենիդորմ շրջանում իսպանական ավանդական փառատոնի ժամանակ ցուլի հարձակումից հետո: Բրիտանացին հայտնվել է ցուլի կոտոշների վրա` քաղաքի փողոցներում հատուկ արգելապատնեշներով փակ հատվածներում անցկացվող ցլավազքի ժամանակ:
«Հայրս պարզապես լուսանկարվելու համար դիրքավորվել էր, նա ցուլին չի նկատել, սակայն վերջինս անսպասելի հարձակվել է», - պատմել է տուժածի դուստր Հաննան:
Ցուլը Մեյնին օդ է հանել, այնուհետեւ սկսել պոզահարել գետնին տապալված տղամարդուն: Վազքի մի քանի մասնակիցներ փորձել են շեղել ցուլի ուշադրությունը եւ նույնիսկ կենդանու պոչից են քաշել: Պիտերին հաջողվել է փրկել, երբ ցուլը նրան սեղմել է մետաղական արգելապատնեշին, որի արանքներից ականատեսները զոհին տարել են անվտանգ վայր: Պիտերին 150 կար են դրել, հայտնում է Life News-ը:
Չնայած որ Պիտերը ցուլի հարձակմանը ենթարկվել է օգոստոսի 6-ին, իսպանացի բժիշկները մինչ օրս նրան թույլ չեն տալիս լքել հիվանդանոցը եւ նրա դուրս գրելու վերաբերյալ կանխատեսումներ չեն անում:
