ՆախընտրելիԻտալական Լեչչե նահանգի Ապուլիա շրջանի բնակիչը դաժան հաշվեհարդար է տեսել երեք փոքր շնիկների հետ: Նրա արարքը գրանցել են հսկող տեսախցիկները, գրում է Lifenews-ը:
55-ամյա տղամարդը երեկոյան վազքի ժամանակ արդյունաբերական պահեստի մոտ հանդիպել է թափառող կենդանիներին:
Կադրերում տեսանելի է, թե ինչպես է իտալացին վազելով մոտենում անպաշտպան շնիկներին եւ նրանց հերթով նետում պատից այն կողմ:
Ավելի ուշ տղամարդը բացատրել է, որ իրեն հունից հանել է շների անդադար հաչոցը:
Ըստ ոստիկանության՝ հանցագործին հայտնաբերել եւ ինքնությունը ճշտել հաջողվել է տեսագրության շնորհիվ: Կատարվածից անմիջապես հետո ոստիկանները կալանավորել են չարագործին:
Միջադեպի հետեւանքով բոլոր երեք շնիկներն էլ լուրջ վնասվել են: Կատարվածից մի քանի օր անց կենդանիներն իրենց լավ են զգում: Պահեստի աշխատողները նրանց պահելու ցանկություն են հայտնել:
