նախընտրելի դարձնելՈստիկանության Երեւան քաղաքի վարչության քրեական հետախուզության բաժնում օպերատիվ տվյալներ էին ստացվել թմրամիջոցների ապօրինի շրջանառության վերաբերյալ: Այս մասին NEWS.am-ը տեղեկացավ ոստիկանությունից: Կասկածյալի բնակարանում հայտնաբերվածը զարմացրել է նաեւ փորձառու հետախույզներին: Հանցագործությունը բացահայտելու համար մայրաքաղաքի քրեական հետախույզները համագործակցել են ոստիկանության Մաշտոցի եւ Աշտարակի բաժինների աշխատակիցների հետ:
Համատեղ խումբը նոյեմբերի 27-ին Աշտարակ քաղաքի Գետափնյա փողոցից Մաշտոցի բաժին բերման է ենթարկել «ՎԱԶ 2107» մակնիշի տաքսու վարորդին եւ ուղեւորին: Ուղեւորի` Սարգիս Շ.-ի տաբատի գրպանից հայտնաբերվել է սպիտակ գույնի դեղահաբ եւ եւս 4-րը հայտնաբերվել է տաքսու առջեւի նստելատեղի տակից: Փորձագետի եզրակացությամբ բուպրեֆոնին թմրամիջոց է եղել:
Նույն օրը խուզարկություն են կատարել նաեւ Սարգիս Շ.-ի բնակարանում: Ավտոտնակում գետնանուշի մեջ դեղահաբեր են հայտնաբերել, իսկ մազերի լվացման հեղուկի միջից հայտնաբերվել է փուչիկ՝ թմրադեղի պարունակությամբ: Նա ասել է, թե ընկերն է իրեն Մոսկվայից այդ ուղեբեռն ուղարկել:
Կասկածելի բոլոր նյութերն ուղարկվել է փորձաքննության: Թմրանյութերի դեմ անօրինական պայքարը շարունակվում է:
