նախընտրելի դարձնելԱզգային ժողովի հոկտեմբերի 29-ի նիստում իրավիճակը լարվել է «Քաղաքացիական պայմանագիր» խմբակցության պատգամավոր Նարեկ Գրիգորյանի ելույթի ընթացքում։
Պատգամավորը հայտարարել է, թե նախկին իշխանությունների օրոք իրենից խլել են մանկությունն ու երիտասարդությունը։
Այնուհետև Գրիգորյանն ասել է, որ իր երեխան դարձել է ընդդիմության թիրախը։ Նա հավելել է, որ գիտի ապտակել, սակայն հարցերը լուծելու նման գործելաոճի չի դիմի։
Ընդդիմադիր պատգամավորները տեղերից հակադարձել են նրան, ինչի հետևանքով իրավիճակն ավելի է լարվել։ Գրիգորյանին հորդորել են չգոռալ, ինչին նա արձագանքել է. «Կգոռամ»։
Վեճի մեջ ներքաշվել են նաև իշխանական և ընդդիմադիր այլ պատգամավորներ։
Իրավիճակը հաջողվել է հանդարտեցնել միայն նիստը նախագահող ԱԺ նախագահ Ռուբեն Ռուբինյանի միջամտությունից հետո։
