նախընտրելի դարձնելԿոլորադո նահանգի Դենվեր քաղաքի մոտ սարսափելի միջադեպ է տեղի ունեցել: Ուժեղ քամին քշել տարել է տեղի զվարճանքների այգում տեղադրված հսկայական փչովի դղյակը, որի ներսում եղել են ութամյա մի աղջիկ եւ տղա: Նրանց ծնողները սարսափահար են եղել, փոխանցում է National Post-ը:
Հսկայական փչովի դղյակը պտտվել է դաշտում եւ մի քանի անգամ շրջվել: Այդ տեսարանն այնքան սարսափելի չէր լինի, եթե դղյակի ներսում երեխաներ չլինեին, փոխանցում է Vesti.ru-ն:
8-ամյա աշակերտուհին դուրս է նետվել, երբ այն շրջվել է, իսկ տղան ներսում մնացել է այնքան ժամանակ, քանի դեռ այն կանգ չի առել: Աղջնակին տեղում զննել են բժիշկները, իսկ տղան տեղափոխվել է հիվանդանոց: Բարեբախտաբար, երեխաները ոչ մի լուրջ վնասվածք չեն ստացել:
