նախընտրելի դարձնել2014 թվականի օգոստոսի 22-ին` ժամը 04:30-ի սահմաններում, անհայտ անձինք ուրիշի գույքը գաղտնի հափշտակելու դիտավորությամբ փորձել են գողություն կատարել Երեւանի Խորենացի 6 հասցեում գործող «ՎԱՍ» սուպերմարկետից, սակայն անվտանգության աշխատակիցը նկատել է նրանց գործողությունները:
ՀՀ քննչական կոմիտեից հայտնում են, որ նշված անձինք չեն կարողացել հանցագործությունն ավարտին հասցնել` իրենց կամքից անկախ հանգամանքներով, եւ հարվածելով անվտանգության աշխատակցի դեմքին՝ դիմել են փախուստի:
Դեպքի առթիվ ՀՀ քրեական օրենսգրքի 34-177-րդ հոդվածի 2-րդ մասի 1-ին եւ 3-րդ կետերով հարուցված քրեական գործով նախաքննությունը շարունակվում է Երեւանի քննչական վարչության Կենտրոն եւ Նորք-Մարաշ վարչական շրջանների քննչական բաժնում:
Նախաքննության ընթացքում սուպերմարկետից առգրավվել են դեպքին առնչվող տեսագրությունները:
Ովքեր տեղեկություն ունեն տեսանյութում պատկերված անձանց մասին, Քննչական կոմիտեն խնդրում է այդ մասին հայտնել վարույթն իրականացնող մարմնին՝ Կենտրոն եւ Նորք-Մարաշ վարչական շրջանների քննչական բաժնին, կամ ոստիկանության մոտակա բաժնին։
