նախընտրելի դարձնելՎանաձորում ոստիկանները բռնել են մոտ երկու տասնյակ մեքենաներ վնասած եւ գողություններ կատարած անձանց:
Վերջին ամիսներին Վանաձոր քաղաքում հաճախակի են դարձել ավտոմեքենաների տարբեր սարքերի եւ իրերի գողության դեպքերը: Վարորդներից շատերն այս առումով անհանգստացած եւ չափազանց զգուշավոր էին դարձել:
NEWS.am-ի տեղեկություններով` երկու ամսվա ընթացքում կատարվել է մոտ քսան նմանատիպ գողություն, երբ անհայտ անձինք ջարդել են ավտոմեքենաների դռները, գողացել մարտկոցներ, ձայնարկիչներ, գազի սարքավորումներ:
Ոստիկանության Բազումի բաժնի աշխատակիցների կողմից կատարված օպերատիվ հետախուզական միջոցառումների արդյունքում ստացած տեղեկությունների համաձայն, գողություն կատարելիս, դեպքի վայրում` Վանաձոր քաղաքի Չուխաջյան 6 շենքի բակում մարտի 17-ի գիշերը ձերբակալվել եւ ոստիկանության բաժին բերման են ենթարկվել 20-ամյա Ս. Աղաջանյանը եւ 30-ամյա Կ. Գեւորգյանը, ովքեր խոստովանական ցուցմունք են տվել, որ կատարել են ավտոմեքենաների սարքավորումների մի շարք գողություններ: Հարուցվել է քրեական գործ, կատարվում է նախաքննություն:
Մեր տեղեկություններով` Կ. Գեւորգյանն աշխատել է մի քանի տաքսի ծառայություններում, որպես վարորդ:
