Նախընտրելի2015 թվականի մարտի 5-ին՝ ժամը 16:30-ի սահմաններում, թիվ 44 ավտոբուսում հափշտակել են Երեւան քաղաքի բնակչուհու դրամապանակը, որի մեջ եղել է կանխիկ գումար եւ բանկի պլաստիկ քարտ՝ պատճառելով գույքային վնաս:
ՀՀ Քննչական կոմիտեից հայտնում են, որ դեպքի առթիվ Երեւան քաղաքի Էրեբունի եւ Նուբարաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասով, որի շրջանակներում միջոցներ են ձեռնարկվում՝ պարզելու առերեւույթ հանցագործություն կատարած անձի ինքնությունը:
Նախաքննության ընթացքում պարզվել է, որ գողացված պլաստիկ քարտի միջոցով մարտի 16-ին փորձ է կատարվել կանխիկացնել 100.000 դրամ գումար:
Վարույթն իրականացնող մարմինն ստացել է բանկոմատից տվյալ գործարքի փորձի տեսագրությունը։
Դեպքի հանգամանքների բազմակողմանի, լրիվ եւ օբյեկտիվ հետազոտումն ապահովելու համար միջոցներ են ձեռնարկվում՝ հայտնաբերելու նշված տղամարդուն։
Ովքեր ճանաչում են տեսագրությունում պատկերված անձին կամ որեւէ տեղեկություն ունեն նրա ինքնության կամ գտնվելու վայրի մասին, խնդրում ենք հայտնել ՀՀ քննչական կոմիտեի Երեւան քաղաքի Էրեբունի եւ Նուբարաշեն վարչական շրջանների քննչական բաժին կամ Ոստիկանության մոտակա բաժին:
(1).jpg)
