նախընտրելի դարձնելԼոնդոնում Մեծ Բրիտանիայի թագուհի Եղիսաբեթ Երկրորդն իր ամուսնու՝ իշխան Ֆիլիպի հետ մասնակցել է Ճապոնիայի կապիտուլյացիայի 70-ամյակին նվիրված հիշատակի արարողությանը։
Այդ մասին հաղորդում է The Telegraph-ը։
Բրիտանական գահի ժառանգորդը՝ Ուելսի արքայազն Չարլզն իր կնոջ՝ Կորնուոլի դքսուհի Կամիլլայի հետ մասնակցել է Ուայթհոլում ռազմական շքերթին, որը սկսվել է ծաղկեպսակ դնելու արարողությամբ, փոխանցում Gazeta-ն։
1945-ի օգոստոսի 15-ին Ճապոնիայի կայսր Հիրոհիտոն ժողովրդին ուղղված իր ուղերձում հայտարարել էր, որ երկիրն այլևս ի վիճակի չէ շարունակել պատերազմը։ 1945-ի սեպտեմբերի 2-ին ամերիկյան «Միսսուրի» գծանավի վրա ստորագրվել է Ճապոնիայի կապիտուլյացիայի արձանագրությունը։
