նախընտրելի դարձնելԿառավարության հրավիրած այսօրվա ԱԺ արտահերթ նիստի ընթացքում ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանի եւ ԱԺ ՀԱԿ խմբակցության պատգամավոր Նիկոլ Փաշինյանի միջեւ լեզվակռիվ տեղի ունեցավ:
Կորյուն Նահապետյանը կոչ արեց պատգամավորներին չխախտել ԱԺ կանոնակարգը եւ տեղից չխոսել, որին միջամտեց Նիկոլ Փաշինյանը: Կորյուն Նահապետյանը դիմելով Նիկոլ Փաշինյանին, նշեց. «Շատ պատգամավորների զայրացնում է այն փաստը, որ իրենք զրկված են հիմնական զեկուցողին տարատեսակ հարցեր ուղղելու հնարավորությունից: Բայց, Ազգային Ժողովի կանոնակարգով պետք է առաջնորդվի ցանկացած պատգամավոր: Պարոն Փաշինյան նաեւ կոչ ենք աում Ձեզ առաջնորդվել այդ կանոնակարգով, դուք կարող եք տեղից բղավել, առարկել, դա Ձեր վարքագծին բնորոշ երեւույթ է»:
