նախընտրելի դարձնելՀյուսիս-Հարավ ճանապարհային միջանցքի ավելի քան 300 կմ հատվածը մնացել է առանց ֆինանսավորման: Այս մաիսն հուլիսի 18-ին Թալինում լրագրողների հետ զրույցում ասաց Հայաստանի Տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանը:
Նրա խոսքով՝ ծրագրի իրականացման համար Հայաստանը Ասիական զարգացման բանկի հետ 3 վարկային պայմանագիր է կնքել՝ 60 մլն, 170 մլն, 100 մլն դոլարի: Եւս մեկ վարկային համաձայնագիր ստորագրվել է Եվրոպական ներդրումային բանկի հետ՝ 60 մլն եվրոյի չափով, եւ դրամաշնորհային համաձայնագիր՝ 12 մլն եվրոյի չափով: Եվրասիական զարգացման բանկի վարկը 150 մլն դոլար է կազմում, որը տրվել է Քաջարան-Ագարակ ճանապարհի 32 կմ հատվածի կառուցման համար:
«Այդպես, վարկի ընդհանուր գումարը 540 մլն է կազմում, որից միայն 220 մլն դոլարն է իրացվել, այդ թվում, նաեւ 56.5 մլն դոլար վճարվել է շինարարներին՝ որպես կանխավճար», - ասաց նախարարը:
Հետեւաբար, Սիսիան-Քաջարան ճանապարհի հատվածում կառուցվող թունելները եւ կամուրջները չհաշված, 556 կմ կամ 490 կմ երկարությամբ «Հյուսիս-Հարավ» ճանապարհային միջանցքի շինարարության համար ֆինանսավորում կա ընդամենը 160 կմ հատվածի համար: Ուստի այս պահին մնացած ավելի քան 300 կիլոմետրի կառուցման համար ֆինանսավորում չկա:
Խոսելով շինարարական աշխատանքների որակի մասին՝ Աշոտ Հակոբյանը նշել է, որ նախագծի առաջին տրանշի շրջանակներում կառուցված Երեւան-Արտաշատ եւ Երեւան-Աշտարակ հատվածներում վերջերս հայտնաբերված թերությունները վերացվում են շինարարի կողմից, քանի որ որակի երաշխիքի ժամկետ կա: Նա նաեւ նշել է, որ շինարարական աշխատանքների որակի վերահսկումը ժամանակավորապես իրականացվում է միջազգային հեղինակավոր կազմակերպությունների կողմից:
Նշենք, որ, ընթացիկ հաշվարկներով, Բավրաից մինչեւ Մեղրի ձգվող 556 կիլոմետրանոց Հյուսիս-հարավ ավտոմայրուղու շինարարության համար անհրաժեշտ է ավելի քան 2 մլրդ դոլար, իսկ 2012 թվականի սեպտեմբերին, երբ սկսվել է մայրուղու շինարարությունը, գումարը, որը նշում էին Հայաստանի կառավարության ներկայացուցիչները, ավելի քիչ էր՝ 962 մլն դոլար:
