նախընտրելի դարձնելԹուրքիայում Անկարա-Աքսարայ մայրուղու վրա ավտոբուսի վթարի հետեւանքով մահացել է 6 մարդ, 39 հոգի վիրավորվել է: Այս մասին հայտնում է տեղական NTV հեռուստաալիքը:
Ավելի վաղ հաղորդվում էր 5 մահացածների մասին:
«Նախնական տեղեկությունների համաձայն՝ վթարի հետեւանքով մահացել է 6 մարդ, այդ թվում՝ 1 երեխա, տուժել է նաեւ 39 մարդ»,- ասվում է հեռուստաալիքի հաղորդագրության մեջ:
Ավելի վաղ Haberturk հեռուստաալիքը հաղորդել էր, որ ուղեւորատար ավտոբուսը Անկարայի եւ Աքսարայի միջեւ ճանապարհի հատվածում՝ Օրթաքյոյի շրջադարձին, ընկել է ճամփեզրի առվի մեջ:
Կատարվում է վթարից տուժածների փրկարարական գործողություն: Ճանապարհային պատահարի վայր են ուղարկվել հրշեջ բրիգադներ եւ շտապօգնության ծառայություններ:
