նախընտրելի դարձնելՈստիկանության կադրային քաղաքականության վարչության պետ Սամվել Քոչարյանը հրապարակում է ոստիկանության պետի հրամանները՝ համակարգի 16 ծառայողի հերթական կոչում շնորհելու վերաբերյալ։
Ձեւավորված ավանդույթի համաձայն՝ սեպտեմբերի 17-ին ոստիկանության տարբեր ստորաբաժանումների աշխատակիցներ եռագույն ժապավենով եւ գեղեցիկ տուփերով ուսադիրները ստացան անձամբ Վալերի Օսիպյանից։ Նրանք աչքի են ընկել ծառայության նկատմամբ բարեխիղճ ու սրտացավ վերաբերմունքով, մասնագիտական պարտականությունները կատարել են անթերի՝ ներդրում ունենալով ոստիկանության մատուցած ծառայությունների որակի բարձրացման գործում։
Վալերի Օսիպյանը շնորհավորեց արժանավորներին՝ եւս մեկ անգամ արձանագրելով՝ բարեխիղճ եւ պատվախնդիր ծառայողներն ըստ արժանվույն գնահատվելու են՝ հույս հայտնելով, որ նոր ու ավելի բարձր կոչումներն էլ ավելի են պարտավորեցնելու։ «Մեր առաքելությունը հանցավորության դեմ պայքարն ու հասարակական կարգի ամրապնդումն է, որը պետք է կատարենք հավուր պատշաճի եւ բարձր պատրաստակամությամբ։ Ով հավատարիմ կմնա իր կոչմանը՝ փառք ու պատիվ, ով՝ ոչ, մեր շարքերում տեղ չունի»,- ընդգծեց ոստիկանության պետը։
