նախընտրելի դարձնելԲուրյատիայում ՆԳՆ-ն հրապարակված տեսանյութի առնչությամբ ծառայողական ստուգում է սկսել: Երեկվանից համացանցի ռուսական հատվածը ցնցել է հոլովակ, որում Ուլան Ուդեի Օկտյաբրսկի բաժանմունքի տղամարդ ոստիկանների առջեւ իր իր պարով փետրվարի 23-ի կապակցությամբ շնորհավորում է ստրիպտիզ պարուհին, հաղորդում է ՄԿ-ն:
Ավելի վաղ «ՄԿ-ն Բուրյատիայում» հաղորդել էր հոլովակի մասին, որտեղ երեւում է, թե ինչպես են Բուրյատիայի ՆԳՆ-ի ոստիկանության Ուլան Ուդեի Օկտյաբրսկի բաժանմունքի հանդիսադահլիճում կին ոստիկանները շնորհավորում գործընկեր տղամարդկանց փետրվարի 23-ի կապակցությամբ:
Նրանց ստրիպտիզ պարուհու մասնակցությամբ շոու են նվիրում: Կիսամերկ պարուհին ամենահայտնի սեքսուալ մեղեդու՝ Սեմ Բրաունի Stop երգի ներքո պարում է:
Ինչ-որ մեկը (հավանաբար ստրիպտիզ նվերի կազմակերպիչները) նկարահանում է փետրվարի 23-ին նվիրված հանդիսավոր միջոցառման ոչ պաշտոնական հատվածը եւ մեկնաբանում. «Աշխուժացան տղաները»:
Ոստիկանական համազգեստով «տղաները», կարծես թե, ավելի շատ ամաչում են: Իսկ կանայք բարձր ծիծաղում են՝ ծափահարություններով աջակցելով պարուհուն:
