նախընտրելի դարձնելՈստիկանության Տավուշի մարզային վարչության Իջեւանի եւ Տավուշի բաժինների ծառայողները հայտնաբերել են փայտածուխի երեք արտադրամաս, որտեղ արտադրվող փայտածուխի վերաբերյալ համապատասխան փաստաթղթերը բացակայում էին։ Արտադրամասերից երկուսը գործում էր Պառավաքար գյուղում։
Ոստիկանությունից NEWS.am-ին հայտնում են, որ հայտնաբերված փայտանյութի, մի քանի տասնյակ պարկ փայտածուխի օրինականությունը հավաստող փաստաթղթեր չեն ներկայացվել, ուստի արտադրամասի գործունեությունը կասեցվել եւ նշանակվել է մասնագիտական ստուգում։ Մյուսում եւս հայտնաբերվել են փայտածուխ պատրաստելու տարաներ ու 7 խորանարդ մետր փայտանյութ, որոնց վերաբերյալ փաստաթղթերը բացակայում էին։
Այս դեպքում եւս նշանակվել է մասնագիտական ստուգում։ Գանձաքար գյուղի մի արտադրամասում էլ հայտնաբերվել է փայտածուխ պատրաստելու տարաներ. մեկը՝ փայտանյութով լցված, ինչպես եւ մի քանի խորանարդ մետր փայտանյութ, որոնց վերաբերյալ փաստաթղթեր չեն ներկայացվել։ Դարձյալ արտադրամասի գործունեությունը կասեցվել է եւ նշանակվել մասնագիտական ստուգում։ Դեպքերի առթիվ ոստիկանության Իջեւանի եւ Տավուշի բաժիններում նյութեր են նախապատրաստվում։
