նախընտրելի դարձնելՀՀ արտաքին գործերի նախարարության հայտարարությունների հետ կապված ես նույնպես հարցեր ունեմ, որոնց պատասխանները գիտեմ: Այս մասին հունիսի 3-ին լրագրողների հետ զրույցում ասաց Հայաստանի կրթության, գիտության, մշակույթի եւ սպորտի նախարարի պաշտոնակատար Վահրամ Դումանյանը:
Նա պարզաբանեց, որ չգիտի, թե որն է ազգային եւ պետական շահերին անհամապատասխանության հետ կապված խնդիրը, որի մասին ասում էր նախկին արտգործնախարարի պաշտոնակատար Արա Այվազյանը:
Հարցին, թե ինչպես է նա աշխատում` չիմանալով այդ մասին, Դումանյանը պատասխանեց. «Շատ հանգիստ: Այդ հարցերը պետք է ուղղվեն Այվազյանին: Որպես քաղաքացի` ես մտահոգված եմ մեր երկրի ճակատագրով»:
Պատասխանելով հարցին, թե դիմորդներն ինչ են ասում ընդունելության քննությունների թեստերի հետ կապված առաջացած խնդիրների վերաբերյալ` պաշտոնյան շեշտեց, որ այդ մասին առաջին անգամ է լսում: «Խնդրում եմ խնդիրն ավելի հստակ ձեւակերպել եւ ներկայացնել դժգոհությունը»,- եզրափակեց նա:
Հիշեցնենք, որ ՀՀ արտաքին գործերի նախարարի պաշտոնակատար Արա Այվազյանը մայիսի 31-ին արտաքին գործերի նախարարության պաշտոնյաների հետ հրաժեշտի հանդիպման ժամանակ ասել էր. «Հրաժարական տալու իմ որոշումը պայմանավորված էր այն պատճառով, որպեսզի երբեք կասկած կասկած չկարողանա լինել, որ այս գերատեսչությունը կարող է որեւէ քայլ կատարել կամ համաձայնել մեր ազգային եւ պետական շահերին հակասող գաղափարների, նախաձեռնություններին»:
