նախընտրելի դարձնելՄայիսի 10-ին ոստիկանություն զանգած քաղաքացին հայտնել էր, որ մայիսի 8-ի գիշերը կոտրել են Արարատի մարզի Արբաթ գյուղի իր տանը կից շինության կողպեքը, փորձել են բացել տան դուռը, սակայն լսելով հարեւանի ձայնը` փախել են:
Հարուցվել է քրեական գործ:
Ոստիկանությունից NEWS.am-ին հայտնում են, որ ոստիկանության Մասիսի բաժնի քրեական հետախույզների ձեռնարկած օպերատիվ աշխատանքի արդյունքում փաստական տվյալներ ստացվեցին, որ գողության փորձը կատարել են նույն գյուղի երկու բնակիչ:
Կասկածվող տղամարդիկ բերման են ենթարկվել ոստիկանության Մասիսի բաժին, որտեղ խոստովանել են արարքը: Հանցագործության գործիքները հայտնաբերվել են:
Նախաքննությունը շարունակվում է:
