նախընտրելի դարձնելԵս կարծում եմ, որ չպետք է նման քայլ կատարել, եթե եկեղեցին դեմ է նման արձանի տեղադրմանը Հայաստանում: Այս մասին NEWS.am-ի հետ զրույցում ասաց ԵՊՀ երկրաբանության և աշխարհագրության ֆակուլտետի դեկան Մարատ Գրիգորյանը` անդրադառնալով Հատիս լեռան վրա Հիսուս Քրիստոսի արձանը տեղադրելու նախաձեռնությանը:
«Իհարկե, ցանկացած նախաձեռնություն, որը երկրին իմիջ կբերի, կբբարձրացնի նրա հնարավորությունները տնտեսական բնագավառում եւ այդ ուղղությամբ ցանկացած բնագավառում գովելի է: Այդ նախաձեռնությունը այնպես պետք է արվի, որ դա չհակասի մեր ազգային, եկեղեցական սկզբունքներին, դա է խնդիրը: Ես նույնիսկ շատ դեպքերում ցավով եմ նայում, թե ինչպես են կոմերցիայի վերածում այդ արձանի տեղադրումը, հաշվում են` քանի միլիոն մարդ կգա, քանի միլիոն դրամ կբերեն, դա արդեն ինձ որպես հայի, անկախ նրանից, խիստ վիրավորական եւ ցավալի է, չպետք է նման երեւույթ լինի: Բացի այդ մենք քրիստոնյան ազգ ենք եւ մեր քրիստոնյա հավատին դեմ քայլեր չպետք է կատարենք: Ես կարծում եմ, որ չպետք է նման քայլ կատարել, եթե եկեղեցին դեմ է նման արձանի տեղադրմանը Հայաստանում»,-ասաց նա:
Դեկանի կարծիքով` արձանը բարձր տեղում տեղադրելով չէ, որ այն բարձր արժեք պետք է ներկայացնի:
«Եթե բարձր կետում դնենք, ընդունենք, որ փոքր Մասիսի լեռան գլխին դնենք, այդ լեռան գագաթը մենք հատեինք եւ դնեինք այնտեղ արձանը, դրանից արձանի արժեքը չէր մեծանա, լեռան տեսքը միայն կխաթարվեր: Հնագետների կարծիքով` այնտեղ կան հին պատմական հուշարձաններ, ոչ մի աշխատանք չի կատարվել, այդ պատմական հուշարձանները գնահատելու , նրանց արժեքը վերհանելու,նրանք մեոր երկրի մշակույթի կյանքում ներդնելու, որպես ճանապարհ նորից Հաայաստանի ազգային արժեքները ներկայացնելու, չի կատարվել: Այսօր այնտեղ շինարարական աշխատանքներ կատարելն անընդունելի է, առանց այդ աշխատանքները կատարելու»,-ասաց նա:
Մարատ Գրիգորյանի խոսքով` Հատիս լեռը հրաբխային ծագում ունեցող լեռ է, կոնաձեւ բարձրացած մի հրաբուխ է, որի տեսքի խաթարումը ինքը համարում է անընդունելի:
«Եթե նույնիսկ այդքանից հետո համարձակվում են դեմ գնալ եկեղեցուն եւ տեղադրեն, Հատիս լեռը այն հարմար տեղը չէ, որ պետք է տեղադրեն, դա չի մեծացնի մեր հեղինակությունը եւ ազգային արժեքների ստացումը, որ սպասում ենք այդ արձանի տեղադրումից»,-ասաց նա:
Հիշեցնենք, որ Հայ առաքելական եկեղեցին դեմ է արտահայտվել արձանի տեղադրմանը: Եկեղեցին Ծառուկյանին հորդորել էր նման նախաձեռնություն չիրականացվելլ, քանի որ այն հակասում է Հայաստանյայց առաքելական սուրբ եկեղեցու ավանդույթին։ Չնայած եկեղեցու դիրքորոշմանը՝ Ծառուկյանը նախագիծը չէր չեղարկել: Օրեր առաջ կառավարության նիստին վարչապետ Նիկոլ Փաշինյանը հայտնել էր, որ ստացել են փաստաթղթելը եւ դրական են գնահատում արձանի տեղադրումը: Փաշինյանի խոսքով՝ այն կխթանի զբոսաշրջությունը:
Մանրամասները` տեսանյութում:
